اسلام آباد۔13اکتوبر(اے پ?? پی) وفاقی وزیر اطلاعات و نشریات، قومی ورثہ و ثقافت عطاءاللہ تارڑ آکھیے ایس سی او سمٹ پاکستان سانڳے گیم چینجر ثابت تھیسی، پاکستان خطے اچ تجارت اتے امن دے ودھارے سانڳے پرعزم اے ، ایس سی او سمٹ توں خطے اچ سانجھی تجارت اتے امن سانڳے رستہ ہموار تھیسی ۔ اے ڳالھ انہاں ایس سی او سمٹ دیاں تیاریاں دے حوالے نال غیر ملکی میڈیا نال الویندیں آکھی ۔ وفاقی وزیر اطلاعات آکھیے پاکستان ایس سی او سربراہ کانفرنس دے اہم ایونٹ دی میزبانی کرݨ ویندا پئے جیڑھا اساں سانڳے اعزاز دی ڳالھ اے ، پاکستان بین الاقوامی سطح تے ابھردا پئے ہݨے ہی ملائیشیا دے وزیراعظم انور ابراہیم پاکستان دا دورہ کیتے جیں اچ ݙو پاسے تعلقات، سرمایہ کاری اتے ݙوہیں ملکاں وچال تعاون ودھاوݨ تے ڳالھ مہاڑ تھئی ۔ ملائیشیا دے وزیراعظم پاکستان نال برآمدات ودھاوݨ ، چاول اتے حلال گوشت دی درآمد دا وی اعلان کیتے، چاول، حلال گوشت سودھے ݙوجھیاں چیزاں دی برآمدات توں ݙوہیں ملکاں دے تعلقات مزید تکڑے تھیسن ۔ انھاں آکھیے ملائیشیا دے وزیراعظم دا دورہ ٻ??وں کامیاب رہیا ، انھاں دے دورے د وختی بعد سعودی وزیر سرمایہ کاری دی سربراہی اچ سعودی عرب دے ترائے وفد پاکستان دا کامیاب دورہ کیتے۔ وفاقی وزیر آکھیے سعودی فرمانروا محمد بن سلمان پاکستان نال تجارت اتے سرمایہ کاری ودھاوݨ اچ دلچسپی ظاہر کیتی اے ، سعودی عرب نال 2.2 ارب ڈالر دی مفاہمتی یادداشتاں تے دستخط تھئن ۔ سعودی عرب دے وفد نال بی ٹو بی سیشنز تھئن، تجارت اتے سرمایہ کاری ودھاوݨ سانڳے معاہدیں تے دستخط تھئن ، سعودی عرب نال زراعت، معدنیات، انفارمیشن ٹیکنالوجی، ل??ئیو سٹاک، توانائی دے شعبیں اچ تعاون ودھدا پئے ۔ وفاقی وزیرݙسائے جو سعودی فاسٹ فوڈ چین ”البیک“ پاکستان اچ شروع تھیندی پئی اے ایں ضمن اچ مفاہمت دی یادداشت تے دستخط تھئن ۔ وفاقی وزیر آکھیے ماضی نیڑے اچ ایران دے مرحوم صدر ڈاکٹر ابراہیم رئیسی وی پاکستان دا دورہ کیتا ہئی انھاں دا دورہ ایران نال تعلقات کوں تکڑا کرݨ سانڳے ٻ??وں اہمیت رکھیندے ، پاکستان ٻعے ملکاں نال آپݨی شراکت داری کوں اہمیت ݙیندےِ اساں پہلے ہی آکھ چکیوں جو کہیں وی ملک نال ساݙے تعلقات کہیں ݙوجھے ملک دی قیمت تے نی تھی سڳدے ، پاکستان دی معیشت ترقی کریندی پئی اے گزریل پی ڈی ایم حکومت ملک ڈیفالٹ دے خطرہ توں بچائےساݙے معاشی اشاریے بہتر تھیندے پئن مہانگ گزریل سال 32 فیصد ہئی ہݨ گھٹ تے 6.9 فیصد تے آڳئی اے، اڄوکے مالی سال دی پہلی سہ ماہی دوران اوورسیز پاکستانیز دی طر??وں 8.8 ارب ڈالر دی ترسیلات وطن آئن، اوورسیز پاکستانیاں دا معیشت دی بہتری اچ اہم کردار اے جیں تے انھاں دے شکر گزار ہیسے ، ایں توں پہلے اتنی زیادہ ترسیلات وطن کݙاہیں نی آئیاں ، ساݙی برآمدات اچ 14 فیصد ودھارا تھئے تجارتی خسارے اچ گھٹ تھیندے پئن ، آئی ٹی ایکسپورٹس 3.2 ارب ڈالر تئیں پڄ ڳئن ، پالیسی ریٹ گھٹ تھیوݨ پاروں معیشت تکڑی تھئی اے اساں چاہندوں ساݙی تجارت تے سرمایہ کاری ودھے ساݙی خارجہ پالیسی تے معیشت اچ وی بہتری آئی اے ، تجارت تے سرمایہ کاری سانڳے اساں آزادانہ پالیسی تے عمل کریندے پ??وں ، چینی وزیراعظم لی چیانگ پاکستان دا دورہ کریندے پئن ، 11 سال بعد کہیں چینی وزیراعظم دا اے پ??لا دورہ پاکستان ہوسی، چینی وزیراعظم دا دورہ پاکستان سی پیک دے حوالے نال گیم چینجر ثابت تھیسی ، چینی وزیراعظم دے دورہ پاکستان تے ݙو پاسے ڈائیلاگ تھیسن ایں توں انڄ پاک چین تعلقات دے سارے پ??لواں بشمول اقتصادی و تجارتی تعلقات تے سی پیک دے تحت تعاون تے جامع ڳالھ مہاڑ تھیسی چینی وزیراعظم دے دورے تے وفد دی سطح تے وی ملاقاتاں تھیسن جنہاں اچ تجارت سودھے مختلف شعبیں اچ تعاون تے ڳالھ مہاڑ تھیسی ۔ وفاقی وزیر اطلاعات عطاءاللہ تارڑ آکھیے ایس سی او سربراہ اجلاس دا انعقاد پاکستان سانڳے اعزاز دی ڳالھ اے، ایس سی او سربراہ اجلاس دے ضمن اچ وفاقی دارالحکومت اسلام آباد کوں سوہݨا سڄایا ڳئے تے پاکستان دی ثقافت پیش کرݨ دی کوشش کیتی ڳئی اے ایس سی او سربراہ کانفرنس پاکستان سانڳے گیم چینجر ثابت تھیسی۔
