حكومت ټرانسپوټ نظام كښې انقلاب راوستلو لپاره اقدامات كړي٬د هېواد او معيشت حاجتونو ترمخه د هوائي مېدانونو د پراختيا كار پیل شوې چې ورسره به د سباؤن تقاضې تر سره كولو لپاره مرسته ترلاسه شي

اسلام آباد 23 مئی (اے پی پی) وزيراعظم شاهد خاقان عباسي وئېلي دي حكومت ټرانسپوټ نظام كښې انقلاب راوستلو له اقدامات كړي٬د هېواد او معيشت حاجتونو ترمخه هوائي مېدانونو كښې د پراختيا كار پیل شوې چې ورسره به د سباؤن تقاضې تر سره كولو له مرسته ترلاسه شي٬هېواد ته په پیښو چېلنجونو قابو موندلې شوې٬كه د جمهوريت مزل روان ؤ نو نورو مسئلو حل كولو كښې به هم بريالي شوو۔ده د شورو په ورځ پیښور كښې د باچا خان هوائي نړيوال مېدان پراختيا او ښكلا منصوبې دستورې ته خطاب كولو۔وزيراعظم ووئيل د دې منصوبې بشپړیدو نه پس باچا خان نړيوال هوائي مېدان كښې د كال 35 لكه مسافر هينډل كولو له ګنجائش پیدا شوې٬دې سره د سباؤن تقاضې تر سره له هم مرسته ترلاسه شوې۔ده ووئيل پاكستان مسلم ليګ(ن)پیښور له د نړيوال معيار هوائي مېدان وركړی٬دا يوه مشكله منصوبه وه٬د كومې پھ بشپړولو چې د سول ايوي اېشن صلاحكار سردار مهتاب٬سول ايوي اېشن او نيسپاك پشمول ټولې ادارې د مباركۍ مستحق دي۔ده ووئيل څو اونۍ وړاندې په اسلام آباد كښې د نړېوال معيار نوې هوائي مېدان بشپړ كړې شوې۔په دې منصوبه كښې تاخير شوې خو مونږ دې ناممكنه منصوبې له هم عملي شكل وركړې٬كومه چې لويه كاميابي ده۔ ده ووئيل د فيصل آباد هوائي ميدان ته په 50 كلونو كښې پام لرنه نه وه شوې ٬ په هغې كښې هم د پراختيا كار شوې ۔ وزيراعظم ووئيل د سيالكوټ هوائي ميدان د نجې څانګې كاميابه منصوبه ده كومه چې نړۍ كښې د يو ماډل حثيت لري۔ ده ووئيل په هغې كښې هم د پراختيا كار شوې دغسې د ملتان هوائي ميدان په منصوبه هم كار بشپړ شوې چې ورسره هوائي ټرافك يو په دوه زيات شوې۔ وزيراعظم ووئيل بايد سول ايوي اېشن مخ په وړاندې سوچ وكړي٬ هېواد او د معېشت حاجتونه تر نظر ساتلو سره اقدامات وكړي۔ده ووئيل د كوئټې په هوائي ميدان به كار په راروانه اوونۍ كښې پيل شي دغسې د ګوادر هوائي ميدان ډيزائن چائنيز جوړ كړې په دغې منصوبه به هم كار روان كال پيل شي۔ ده ووئيل د لاهور په هوائي ميدان هم د پراختيا كار ته اړټيا وه كوم چې بشپړيدونكے دے ۔دغسې د كراچۍ هوائي ميدان ښكلا له هم اقدامات شوي۔ده ووئيل حكومت د ټرانسپورټ نظام كښې انقلاب له اقدامات كړې ۔پھ هوائي مېدانونو او د هائي ويز نېټ وركس لپاره په 65 كلونو كښې دومره كار نه ؤ شوې څومره چې موجوده حكومت كړی٬ 1700 كلوميټره اوږده 6 اړخيزه موټروے جوړېږي۔ده ووئيل د پاكستان په ټولو برخو كښې به د هائي ويز او موټرويز جال خپرولې شي۔دا هغه لوظ دے كوم چې د مسلم ليګ(ن)مشرتابه محمد نواز شريف پھ 2013 كښې اولس سره كړی ؤ۔وزيراعظم ووئيل د پرمختګ عمل روان دې او كومه داسې اونۍ نه ده تېره شوې چې پكښې د اربونو روپو د كومې منصوبې پرانسته نه وي شوې۔وزيراعظم ووئيل كه د جمهوريت مزل روان ؤ نو مسئلو حل كولو كښې به بريالي شوو۔ده ووئيل پاكستان 6 فيصده شرح نمو ترلاسه كړی٬مونږ معيشت قوي كړی يو وخت داسې ؤ چې په هېواد كښې برېښنا نه وه او اوس پھ هېواد كښې برېښنا سرپلس ده خو پھ زياته خساره چلېدونكو فيډرو ترمخه سيمو كښې لوډشېډنګ كېږي۔ده ووئيل توان يو لويې چېلنج ؤ كوم چې حل كړی شوې دغسې د ګاز په ترسيل كښې كمې هم پوره كړی شوې او مونږ پھ پیښو چېلنجونو قابو موندلې۔وزيراعظم ووئيل راروان كال بجټ كښې څومره ټېكس ريفارمز چې مونږ كړي سيمه كښې مثال نه لري٬ټېكس وركونكو له آسانۍ او رعايتونه وركړی شوي اوس لازم ده چې زيات نه زيات وګړي ټېكس وركړي ځكه چې د ټېكس نه غېر كوم هم هېواد پرمختګ نشي كولې

مضمون کا ماخذ : لکی لیڈیز چارم

متعلقہ مضامین