پاکستان اچ منکی پاکس دا ھک ٻیا کیس سامݨے آڳئے ، ترجمان وزارت صحت

اسلام آباد۔31اگست (اے پی پی) پاکستان اچ منکی پاکس دا ھک ٻیان کیس سامݨے آڳئے جیں دے بعد مریضاں دی تعداد 3 تھی ڳئی اے ۔ ترجمان وزارت صحت توں جاری بیان موجب انھاں آکھیے گزریل ݙینھ پشاور ایئر پورٹ تے ایم۔پاکس دے ݙو مشتبہ کیسز کوں بارڈر ہیلتھ سروسز دے عملے ایسولیٹ کیتا ہئی ،نمونیں کوں تشخیص سانڳے پشاورریفرنس پبلک لیبارٹری خیبر میڈیکل یونیورسٹی بھیجا ڳیا ہئی۔ ترجمان وزارت صحت آکھیے ݙوہیں سیمپلز اچ ھک کیس پازیٹو آئے، متاثرہ شخص دا تعلق پشاور توں اے ۔ترجمان وزارت صحت ݙسائےجو متاثرہ شخص دے کنٹیکٹ ٹریسنگ دی سکریننگ کیتی ویندی پئی اے ،متاثرہ شخص دے سفر دی ہسٹری خلیجی ملکاں دی اے ، پاکستان اچ اڄوکی ایمرجنسی دے بعد منکی پاکس دے کیساں دی تعداد ترائے تھی ڳئی اے ۔ سارے ایئرپورٹس تے بارڈر ہیلتھ سروسز داسٹاف تکڑا تھی تے کم کریندا پئے۔کوآرڈینیٹر صحت ڈاکٹر مختار آکھیے پاکستان ایم پاکس توں بچݨ سانڳے موثر حکمت عملی بݨائی اے ۔وزارت صحت اتے ایندے ماتحت ادارے سارے پیشگی اقدامات یقینی بݨاوݨ اچ مصروف ہن۔

مضمون کا ماخذ : comprar raspadinha

متعلقہ مضامین