??سل??م آباد۔19اگست (اے پی پی)رکن قومی اسمبلی خواجہ شیراز محمود آکھیے جو تونسہ شریف دے چھل متاثرین دی تکڑی ٻھال کیتی ویسی، صوبائی حکومت ہر ٹبر کوں چار لکھ روپے اتے جزوی متاثرین کوں ہک توں 3 لکھ روپے تئیں فی کس امداد ݙیسی، پہلے مرحلے اچ 10 ہزار تمبو بھڄواوݨ دا اپیل کیتی اے۔ اے ڳالھ انہاں تونسہ شریف دے چھل دے متاثرہ علاقیاں وہوا، لتڑہ، وستی ٻٻی اچ نقصانات دا جائزہ ڳھنݨ ویلھے الیندے آکھ??۔ انہاں لتڑہ بند کوں تکڑا کرݨ دے کم دی وی نگرانی کیتی۔ خواجہ شیراز محمود آکھیا جو میں پارلیمنٹ سودھا ہر فورم تے اپݨے لوکاں اتے علاقے دی ٻھلائی کیتے آواز چاتی اے، چھل متاثرین دے نال کھڑے ہیں ??تلا وی تھی سگیا امداد کیتی ویس??۔ انہاں آکھیا جو وزیر اعلیٰ پنجاب چوہدری پرویز الہیٰ نال تونسہ دے سیلاب متاثرہ علاقیاں اتے حالت زار تے تفصیلی ڳالھ کیتی اے، صوبائی حکومت، سارے متعلقہ ادارے اتے پاک فوج وی امدادی کماں اچ ردھے ہوئن، صوبائی حکومت کوں چھل متاثرین دی امداد اتے ٻھال کیتے گذارش کیتی اے اتے پہلے مرحلے اچ فوری طور تے 10 ہزار تمبو ݙیوݨ دا آکھیے جو لوکاں کوں سر دی چھت ملے۔ انہاں آکھیا جو چھل اچ گھر توں محروم تھیوݨ آلے ٹبراں کوں 4 لکھ روپے، جزوی تباہ تھیوݨ آلے ڳھراں کیتے ہک لکھ توں 3 لکھ روپے تئیں ??مداد ݙتی ویسی جیڑھی پنجاب حکومت مہیا کریس??۔ انہاں یقین ݙیوایا جو سیلاب متاثرین کوں کلہا نا چھوڑیا ویسی اتے انہاں دی ہر ممکن امداد اتے ٻھال کیتی ویسی۔
.jpg)
