صنعتي ادارن جي محنت ۽ لگن سان پوري خطي جي ترقي ۾ مدد ملندي: فيصل ڪريم ڪنڊي

اسلام آباد-11 ڊسمبر (اي پي پي) خيبرپختونخوا جي گورنر فيصل ڪريم ڪنڊي چيو آهي ته معاشي ۽ صنعتي ترقي جي حوالي سان ڪم ڪندڙ ادارن ۽ شخصيتن جي محنت ۽ لگن سان نه رڳو سندن پنهنجي ملڪ نه پر پوري خطي جي ترقي ۾ مدد ملندي. اهڙو اظهار هن گذريل ڏينهن 40 هين سارڪ چارٽرڊ جي تقريب کي خطاب ڪندي ڪيو. تقريب ۾ سارڪ ملڪن جي چيمبر آف ڪامرس اينڊ انڊسٽريز جي عهديدارن جو وڏو انگ به موجود هو، جنهن پنهنجي ملڪن جي معاشي ۽ صنعتي ترقي جي حوالي سان خيالن جو اظهار ڪيو. تقريب دوران فيصل ڪريم ڪنڊي ۽ صنعت، پيداوار ۽ فوڊ سيڪيورٽي واري وفاقي وزير بهترين ڪارڪردگي ڏيکايندڙ ادارن ۽ شخصيتن ۾ ايوارڊ به ورهايا. هن ايوارڊ حاصل ڪندڙن کي مبارڪون ڏيندي چيو ته سندن محنت ۽ لگن سان نه رڳو سندن پنهنجي ملڪ نه پر پوري خطي جي ترقي ۾ مدد ملندي. تقريب ۾ موجود شرڪت ڪندڙن خيبرپختونخوا جي گورنر فيصل ڪريم ڪنڊي ۽ صنعت، پيداوار ۽ فوڊ سيڪيورٽي واري وفاقي وزير سان گڏ تصويرون به ڪڍرايون ۽ سندن شرڪت کي ساراهيو.

مضمون کا ماخذ : sorteos میگا سینا

متعلقہ مضامین