وزيراعظم اسلام آباد ۾ نيشنل يونيورسٽي آف ٽيڪنالاجي جي مرڪزي ڪئمپس ۽ چشما – 5 نيوڪليئر پاور پلانٽ جي پيڙهه جو پٿر رکندو

اسلام آباد – 14 – جولاءِ (اي پي پي) وزيراعظم محمد شهباز شريف جمعي ڏينهن اسلام آباد ۾ نيشنل يونيورسٽي آف ٽيڪنالاجي جي مرڪزي ڪئمپس ۽ چشما – 5 نيوڪليئر پاور پلانٽ جي پيڙهه جو پٿر رکندو. وزيراعظم آفيس جي ميڊيا ونگ پاران جاري بيان موجب اهو ڪئمپس تعمير کانپوءِ پاڪستان ۾ ٽيڪنيڪل ۽ صنعتي تعليم جي فروغ ۾ اهم ڪردار ادا ڪندو. هن وقت نيوٽيڪ يونيورسٽي تحت جديد علم ۾ 7 گريجوئيٽ پروگرام ڪرايا پيا وڃن. هلندڙ سال يونيورسٽي وڌيڪ گريجوئيٽ ۽ ماسٽرز پروگرامز جي شروعات ڪندي. وزيراعظم اڄ يوٿ سنگل ڊيولپمينٽ پروگرام جي به شروعات ڪندو. پروگرام تحت پاڪستان جي نوجوانن کي عالمي سطح تي افرادي قوت کي مقابلي جي لاءِ تيار ڪيو ويندو. ان مقصد جي لاءِ انهن کي صنعتن جي گهرج موجب جديد هنر سيکاريا ويندا. اين اي وي ٽي ٽي سي پنهنجي مقامي ۽ عالمي حصيدارن جي تعاون سان 2023ع کان 2027ع تائين 19.33 ارب رپين جي لاڳت سان 2 لک 84 هزار کان وڌيڪ نوجوانن کي جديد چٽاڀيٽي هنر ۾ پيشيواراڻي تربيت فراهم ڪندي. اهو پروگرام نوجوانن کي نه رڳو مقامي پر عالمي سطح تي روزگار حاصل ڪرڻ ۾ مددگار ثابت ٿيندو. وزيراعظم ان موقعي تي تقريب کي خطاب پڻ ڪندو. وزيراعظم محمد شهباز شريف اڄ چشما – 5 نيوڪليئر پاور پلانٽ جي پيڙهه جو پٿر رکندو. وزيراعظم محمد شهباز شريف جي خصوصي دلچسپي ۽ ڪوششن جي نتيجي ۾ چشما نيوڪليئر پاور پلانٽ يونٽ 5 جي نه رڳو لاڳت ۾ گهٽتائي آندي وئي پر ان جي سگهه کي 1100 ميگاواٽ مان وڌائي 1200 ميگاواٽ ڪيو ويو آهي. چشما – 5 جنهن جي معاهدي تي 2017ع ۾ صحيحون ٿيون، گذريل 5 سالن کان التوا جو شڪار رهيو. وزيراعظم محمد شهباز شريف جي ملڪ ۾ گهٽ لاڳت ۽ ماحول دوست بجلي جي ويزن تحت ان منصوبي تي ڪم کي ٻيهر شروع ڪيو پيو وڃي. وزيراعظم ان موقعي تي تقريب کي خطاب پڻ ڪندو.

مضمون کا ماخذ : میان میجک وائلڈ فائر

متعلقہ مضامین