23 مارچ اسان جي قومي تاريخ جو عهد ساز ڏينهن آهي: وزيراعظم محمد شهباز شريف

اسلام آباد – 23 – مارچ (اي پي پي) وزيراعظم محمد شهباز شريف چيو آهي ته 23 مارچ اسان جي قومي تاريخ جو هڪ اهڙو عهد ساز ڏينهن آهي جيڪو اسان کي پنهنجي ماضي جي ياد ڏياري ٿو، اسان کي پنهنجي موجوده حالتن تي غور فڪر ڪرڻ جي دعوت ڏي ٿو ۽ هڪ خوشحال مستقبل جي تعمير جي تحريڪ ڏي ٿو، پاڪستان سياسي ۽ آئيني جدوجهد جي نتيجي ۾ وجود ۾ آيو هو ۽ ان جو مستقبل آئين تي ان جي روح موجب عمل ڪرڻ ۾ آهي. وزيراعظم آفيس جي ميڊيا ونگ پاران جاري بيان موجب وزيراعظم محمد شهباز شريف پاڪستان ڏهاڙي تي پيغام ۾ چيو ته 23 مارچ اسان جي قومي تاريخ جو هڪ اهڙو عهد ساز ڏينهن آهي جيڪو اسان کي پنهنجي ماضي جي ياد ڏياري ٿو، اسان کي پنهنجي موجوده حالتن تي غور فڪر ڪرڻ جي دعوت ڏي ٿو ۽ هڪ خوشحال مستقبل جي تعمير جي تحريڪ ڏي ٿو. هن چيو ته هي ڏينهن وچ جي تجديد جو ڏينهن به آهي، هي ڏينهن اسان کي 1940ع ۾ واپس وٺي وڃي ٿو جڏهن ننڍي کنڊ جي مسلمانن هڪ جدا ملڪ جي قائم ڪرڻ جي قرارداد منظور ڪئي هئي جنهن کي اهي قائداعظم محمد علي جناح جي متحرڪ قيادت ۾ پنهنجو ملڪ چئي سگهن. هن چيو ته علامه محمد اقبال جو آزادي جو خواب مسلمانن جي مطالبن ۽ جدا وطن جي امنگن جي نمائندگي ڪندڙ قرارداد جي صورت ۾ ظاهر ٿيو. قائداعظم جي قيادت ۾ ننڍي کنڊ جي مسلمانن جي 7 سالن جي تاريخ ساز جدوجهد اقبال جي خواب کي حقيقت ۾ بدلايو. هن چيو ته پاڪستان جو قيام يقينن 20 هين صدي جو هڪ معجزو آهي، اسان جي گذريل 75 سالن جي سفر اسان کي جنگين کي منهن ڏيندي ۽ قدرتي آفتن سميت ڪيترن ئي بحرانن سان وڙهندي ڏٺو آهي، ڪيترائي موقعا اهڙا آيا آهن جڏهن اسان مشڪلاتن تي ضابطو آندو ۽ ڪيترائي سنگ ميل حاصل ڪيا، عالمي برادري جي ميمبر جي حيثيت سان پاڪستان انسانيت کي درپيش مسئلن جي حل ۽ عالمي امن قائم ڪرڻ ۾ هڪ ذميوار قوم جو ڪردار ادا ڪيو آهي. هن چيو ته اڄ جڏهن اسان پاڪستان ڏهاڙو ملهائي رهيا آهيون ۽ پنهنجي بانين جي قربانين کي خراج تحسين پيش ڪري رهيا آهيون ته اسان کي انهن چئلينجن کي نظرانداز نه ڪرڻ گهرجي جيڪي اسان جي آڏو آهن، اڄ اسان کي سياسي ۽ معاشي عدم استحڪام درپيش آهي، پاڪستان سياسي ۽ آئيني جدوجهد جي نتيجي ۾ وجود ۾ آيو هو ۽ ان جو مستقبل آئين تي ان جي روح موجب عمل ڪرڻ ۾ آهي. وزيراعظم چيو ته مون کي ان ۾ ڪو شڪ نه آهي ته پاڪستان جو مقدر عظيم ڪاميابيون ۽ بلنديون حاصل ڪرڻ آهي. جڏهن ته ان جي حقيقت بڻجڻ جي لاءِ اسان کي پنهنجي صفن ۾ اتحاد پيدا ڪرڻو پوندو، پنهنجو پاڻ کي قومي مقصد سان آراسته ڪرڻو پوندو ۽ پنهنجي ابن ڏاڏن جي ميراث موجب جدوجهد ڪرڻ جو عزم ڪرڻو پوندو. اچو اڄ جي ڏنهن اسان خوداحتسابي ڪريون ته جيئن اسان پنهنجي غلطين ۽ ڪوتاهين جو ازالو ڪري سگهون، جيڪي قومون پنهنجي ماضي جو تجزيو ڪرڻ، پنهنجي غلطين مان سبق سکڻ ۽ اصلاح ڪرڻ جي صلاحيت رکن ٿيون اهي ئي حقيقت ڪاميابي حاصل ڪري سگهن ٿيون.

مضمون کا ماخذ : میگا ملینز کے فاتحین

متعلقہ مضامین