د قامي اقتصادي كونسل انتظامي كمېټې ﴿اېكنك﴾ د 4320 مېګاواټ داسو پاور پروژې منظوري وركړې

APP06-15 ISLAMABAD: July 15 Federal Minister for Water Resources Faisal Vawda addresses press conference. APP photo by Saeed-ul-Mulk

اسلام آباد 15 جولائي (اے پي پي) د ابو وسيلو وفاقي وزير فېصل واوډا وئيلي دي د قامي اقتصادي كونسل انتظامي كمېټې ﴿اېكنك﴾ د 4320 مېګاواټ د داسو پاور پروژې منظوري وركړې ده ٬ په پروژه به ډېر زر كار پېل كړې شي٬ پخوانو واكمنو قرض ترلاسه كړے خو په پروژه ئې كار نه دې پېل كړے٬ د 30 نه تر 36 كروړه روپې هره ورځ زيان كېدو٬ د اربونو روپو غلا او د جعلي بنك ګرانټونو معاملې به مخې ته راوړو٬ نواز شريف په خپل دور كښې د 34 پروژو اعلان كړے يوازې دوه پكښې ترسره شوې ٬ اوس به يوازې هغه پروژې پېل كولې شي٬ كومو لپاره چې فنډ وي٬ سندھ او په خاص توګه كراچې لپاره به وزيراعظم ډېر زر د تاريخي پروژو اعلان وكړي٬ كرپشن ځپلې ټولې پروژې ختمې كړې شوې ٬ د احتساب عمل به په يو صورت هم نه شي اودرولې٬ د قامي ادارو بدنامولو او د زيان رسولو ټول سازشونه به ناكامه كوو٬ د وېډيو كوئين او كېلبري كوئين ټوله كورنۍ په بدعنوانې كښې ككړه ده٬ منطقي انجام ته به رسولې شي٬ دا به د احتساب نه خلاص نه شي۔ ده دا خبرې د ګل په ورځ خبري كنفرنس ته د وېنا كولو په مهال وكړې۔ ده ووئيل مومند بند پېل كېدو نه پس د پاكستان اولس لپاره يو لوي زېرے دا دے چې اېكنك د داسو پروژې منظوري وركړې۔ دا پروژه به په درې نيم كاله كښې بشپړولې شي۔ دې لپاره قرض ترلاسه كړے شوې ؤ خو كار پرې اونه كړې شو او پخوانو واكمنو ئې فيته هم پرې كړې وه۔ ده ووئيل اوس چې د كومې پروژې لپاره فنډ وي هغه به پېل كولې شي٬ ده ووئيل مونږ له د اوبو د زيان مخ نيوې هم كول دي او دې لپاره به كمپائن چلوو۔ په دې لړ كښې لا حتمي پرېكړه نه ده شوې۔ ده ووئيل هند سره زمونږ د سېلاب په اړه د اطلاع وركولو لوظنامه ده او د جولائي د وړومبنې نېټې نه تر اكتوبر پورې هند مونږ ته د شمېرو راكولو پابند دے خو تر اوسه مونږ دا شمېرې نه دې ترلاسه كړې۔ ده ووئېل هيله ده هند به په دې لړ كښې مرسته وكړي۔ وفاقې وزير ووئيل د صوبو ذمه واري ده چې تجاوزات ختم كړي۔ وزيراعظم هدايت كړے چې د كراچې او سندھ اولس په مونږ باور كړے٬ مونږ به دوي لپاره پروژې پېل كوو او دا كار به د سياسي تړون نه غېر كولې شي او ډېر زر به وزيراعظم په دې لړ كښې تاريخي اعلان وكړي۔ ده ووئيل د احتساب عمل به په يو صورت هم نه ايساریږي٬ د قامي ادارو بدنامولو او د زيان رسولو ټول سازشونه به ناكامه كوو٬ د وېډيو كوئين او كېلبري كوئين ټوله كورنۍ په بدعنوانې كښې ككړه ده٬ منطقي انجام ته به رسولې شي۔ ده ووئيل كه شريفه كورنۍ او اسحاق قصوروار نه دي نو بيا تښتېدلي ولې دي۔ دلته خوا پخواني وزيران هم په غلا كښې ككړ دي

مضمون کا ماخذ : لاٹری آن لائن

متعلقہ مضامین